இறைவனது அத்தாட்சிகள்

إِنَّ فِي ذَٰلِكَ لَآيَةً لَّكُمْ إِن كُنتُم مُّؤْمِنِينَ

நீங்கள், நம்பிக்கை உள்ளவர்களாக இருப்பின், நிச்சயமாக அதில் உங்களுக்கு, அத்தாட்சி இருக்கின்றது. அல்குர்ஆன் (2-248)

إِنَّ فِي ذَٰلِكَ لَعِبْرَةً لِّأُولِي الْأَبْصَارِ

நிச்சயமாக அதில் பார்வை உடையோருக்குப் படிப்பினை இருக்கின்றது. அல்குர்ஆன் (3-13)

إِنَّ فِي ذَٰلِكُمْ لَآيَاتٍ لِّقَوْمٍ يُؤْمِنُونَ

நம்பிக்கை கொள்ளும் கூட்டத்தாருக்கு, நிச்சயமாக அதில் அத்தாட்சிகள் இருக்கின்றன. அல்குர்ஆன் (6-99)

إِنَّ فِي ذَٰلِكَ لَآيَةً لِّلْمُؤْمِنِينَ

நம்பிக்கை கொண்டோருக்கு, நிச்சயமாக அதில் அத்தாட்சி இருக்கின்றது. அல்குர்ஆன் (15-77)

இறைவனது வல்லமையை எடுத்துக்காட்டும் பல அத்தாட்சிகள் நமது கண்களுக்குப் புலப்படும் வண்ணம் அவ்வப்போது வெளிப்பட்டுக் கொண்டுதான் இருக்கின்றன. அல்லாஹ் அவனது இறைத்தூதர்களின் மூலம் மக்களுக்கு வெளிப்படுத்திய பல அற்புதமான அத்தாட்சிகள் முதல் இன்று வரை பற்பல நிகழ்வுகள், படைப்புகள் மனிதர்களின் அறிவுக்கும், கண்களுக்கும் வெளியாகிக் கொண்டுள்ளன.

அவ்வாறு அல்லாஹ் தனது அத்தாட்சிகளை வெளிப்படுத்துவதன் அடிப்படையான நோக்கம், அவனது வல்லமையை மனிதர்கள் விளங்கிக் கொள்ள வேண்டும். இந்த அத்தாட்சிகள் எவ்வாறு நிதர்சனமான உண்மையாக இருக்கின்றனவோ, அவ்வாறே, அல்லாஹ் அவனது வேதங்களில் கூறிய வாக்குறுதிகளும், இம்மை, மறுமை பற்றிய மனித அறிவுக்குப் புலப்படாத விஷயங்களும் உண்மையானவை என்று மனிதர்கள் நம்பிக்கை கொண்டு, அவனது கட்டளைகளை நிறைவேற்றுவதில் கவனம் செலுத்த வேண்டும் என்பது தான், இத்தகைய அத்தாட்சிகள் வெளிப்படுத்தப்படுவதன் நோக்கம் ஆகும்.

இத்தகைய ஓர் அரிய அத்தாட்சி ஒன்று சென்னையில், அரும்பாக்கம் பகுதியைச் சேர்ந்த அப்துல் கஃப்பார் என்னும் சகோதரர் தான் கடைத்தெருவில் இருந்து வாங்கிய பப்பாளிப்பழம் ஒன்றில் கண்டார். அதன் ஒரு பகுதியில், பிஸ்மில்லாஹிர் ரஹ்மானிர் ரஹீம் என்னும் வார்த்தைகளுக்கான அரபி எழுத்துக்கள் வெளியாகி இருப்பதைக் கண்டார். தான் நேரில் கண்ட அவ்வற்புதத்தைத் தன் பகுதி மஸ்ஜித் இமாமாகிய மௌலவி பஷீர் அவர்களிடமும், இன்னும் பல மார்க்க அறிஞர்களிடமும் நேரில் காண்பித்து உறுதி செய்து கொண்டார்.

அரபி மொழி தெரிந்தவர்கள், இப்பழத்தை நேரடியாகப் பார்க்கும் போது, பிஸ்மில்லாஹிர் ரஹ்மானிர் ரஹீம் என்பதற்கான அரபி வார்த்தைகளைத் தெளிவாகப் புரிந்து கொள்ள முடியும்.. மௌலவி பஷீர் அவர்களுடன் வந்து எம்மிடமும் சகோதரர் அப்துல் கஃப்பார் அவர்கள் அந்த அற்புதப் பழத்தைக் காட்டினார்.

அந்தப் பழத்தை நீங்களும் இங்கே பார்க்கலாம்...

அல்லாஹ்வின் அத்தாட்சிகளை அவன் தனது அடியார்களுக்கு வெளிப்படுத்துவது அவன் மீதும், அவனது வார்த்தைகளின் மீதும் கொண்டுள்ள நம்பிகையை மேலும் வலுப்படுத்திக் கொள்ள வேண்டும் என்பதற்காகவும், படைப்புகளின் மீது நம்பிக்கை வைப்பதை விட அவற்றைப் படைத்த ஏக இறைவனாகிய அல்லாஹ்வின் மீது பரிசுத்தமான நம்பிக்கை கொள்ள வேண்டும் என்பதற்காகத் தான்.

அல்லாஹ் அவன் மீது நாம் கொண்டுள்ள நம்பிக்கையை முழுமையாக்கி அவனது கட்டளைகைளை நிறைவேற்ற அருள்புரிவானாக. ஆமீன்.

அல்லாஹ்வின் அழகிய திருநாமங்கள் (1)

1. யா‏-அல்லாஹ்	الله
2. யா-ரஹ்மானு ‏(அளவற்ற அருளா‏ளனே)	اَلرَّحْمنُ
3. யா-ரஹீமு ‏(நிகரற்ற அன்புடையோனே)	الرَّحِيْمُ
‏4. யா-மலிக்‏கு (மன்னவனே)	اَلْمَلْكُ
5. யா-குத்‏தூஸு (மிகவும் தூ‏ய்மையான‏வனே)	اَلْقُدُّوْسُ
6. யா-ஸ‏லாமு (சாந்தி அளிப்பவனே)	السلمُ
7. யா-முஃ‏மினு (அடைக்கலம் அ‏ளிப்பவனே)	اَلْمُؤْمِنُ
‏8. யா -முஹைமினு ‏(பாதுகாவலனே)	اَلْمُهَيْمِنُ
9. யா-அஸீஸு (யாவற்றையும் மிகைத்தவனே)	اَلْعَزِيْزُ
10. யா-‏ஜப்பாரு (சமநிலையா‏க்குவோனே)	اَلْجَبَّارُ

 - புலவர் அஹ்மது பஷீர் அவர்களின்

புதுமலர்கள் இஸ்லாமியப் பாடநூல் 

3ஆம் வகுப்புப் புத்தகத்தில் இருந்து.

வெளியீடு 

சிங்கைப் பதிப்பகம்

சென்னை - 600087

தொலைபேசி  : 919884033731

حَدَّثَنَا قُتَيْبَةُ حَدَّثَنَا أَبُو عَوَانَةَ عَنْ قَتَادَةَ عَنْ أَنَسٍ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ مَا مِنْ مُسْلِمٍ يَغْرِسُ غَرْسًا أَوْ يَزْرَعُ زَرْعًا فَيَأْكُلُ مِنْهُ إِنْسَانٌ أَوْ طَيْرٌ أَوْ بَهِيمَةٌ إِلَّا كَانَتْ لَهُ صَدَقَةٌ قَالَ وَفِي الْبَاب عَنْ أَبِي أَيُّوبَ وَجَابِرٍ وَأُمِّ مُبَشِّرٍ وَزَيْدِ بْنِ خَالِدٍ قَالَ أَبُو عِيسَى حَدِيثُ أَنَسٍ حَدِيثٌ حَسَنٌ صَحِيحٌ
எந்த ஒரு முஸ்லிமும் ஒரு செடியை அல்லது ஒரு பயிரை விதைத்து, அதில் இருந்து மனிதர்களோ, பறவையோ அல்லது விலங்கோ தின்றுவிட்டால், அது அவருக்குத் தர்மமாக ஆகாமல் இருப்பதில்லை என்று நபி (ஸல்) அவர்கள் கூறினார்கள். அறிவிப்பவர் அனஸ் (ரலி) நூல் - ஸுனன் திர்மிதி ஹதீஸ் எண் 1382
 

வயலில் பயிர் விதைக்க இயலாதவர்கள் இப்படிச் செய்யலாம்..
நல்ல யோசனை...

நன்றி சகோதரர் இன்ஜினியர் ஸுல்தான் அவர்களே...
ஜஸாக்கல்லாஹு ஃகைரன்.

அஹ்மது ஆரிஃப்
www.arabicinstitute.in

ஈதுப் பெருநாள் சிந்தனை - படித்தரங்களின் படித்தரங்கள்

படித்தரங்களின் படித்தரங்கள்

தீனின் அடிப்படை நோக்கம்
1.அல்லாஹ்வை அறிதல் / இல்மு
2. அல்லாஹ்வை நெருங்குதல் அல்லது அடைதல் / அமல்

இரண்டும் சேர்ந்தது இபாதத் ஆகும்.


இல்மு - அமல்களின் 
மூலம் அல்லாஹ்வை அறிவதிலும், 
அவனை அடைவதிலும் உள்ள படித்தரங்கள்

1. ரிஸாலத்
தூதர்களுக்கு அருளப்பட்ட படித்தரங்கள்
2. நுபுவ்வத்
நபிமார்களுக்கும அருளப்பட்ட படித்தரங்கள்
3. ஸுஹ்பத்
தூதர்கள், நபிமார்கள் ஆகியோரின் தோழர்களுக்கு அருளப்பட்ட படித்தரங்கள்
4. விலாயத்
மேற்கண்ட மூன்று படித்தரங்களுக்கு அடுத்து உள்ளவர்களுக்கு அருளப்படும் படித்தரங்கள்
5. ஸலாஹிய்யத்
விலாயத் எனும் இறைநேசத்தின் படித்தரங்களை பெறுவதற்கான
அடிப்படைத் தகுதியை நிர்ணயிக்கும் படித்தரங்கள்


படித்தரங்களை அடைய உதவும் காரணங்கள்
1. அல்லாஹ்வுக்கு வழிப்படுதல்
2. அல்லாஹ்வின் தூதருக்கு வழிப்படுதல்

காரணங்களைச் செயல்படுத்தும் முறைகள்
1. அல்லாஹ் அவன் தூதர் சொல்லியவற்றை நம்புதல்
2. அவர்கள் ஏவியவற்றை எடுத்து நடத்தல்
3. அவர்கள் தடுத்தவற்றைத் தவிர்ந்து கொள்ளல்
4. அனுமதிக்கப்பட்டவைகளையும் அதிகப்படியாகப் பயன்படுத்துவதில் இருந்து தவிர்ந்து கொள்ளல்.
5. சந்தேகமானவற்றில் இருந்தும் தவிர்ந்து கொள்ளுதல்
6. இதில் உண்டாகும் சிரமங்களின் மீது பொறுமையைக் கடைப் பிடித்தல்

இம்முறைகளைப் பயன்படுத்துவதால் கிடைக்கும் இம்மைப் பயன்கள்
1. அல்லாஹ்வின் நெருக்கம்
2. அல்லாஹ்வின் பொருத்தம்
3. அல்லாஹ்வின் நெருக்கம், பொருத்தத்தின் மூலம் மன நிம்மதி
4. அவனை அறியும் இன்பம்
5. அவனை வழிப்படுவதில் இன்னும் அதிகம் வாய்ப்பு அருளப்படுதல்.
6. போதுமென்ற திருப்தி
7. பிரச்சினைகளில் தீர்வு
8. நேர்வழி
9. இன்னும் எண்ணற்ற நன்மைகள்
10. அல்லாஹ் பொருந்திக் கொண்ட நிலையில் இம்மையை விட்டு மறுமைக்குச் செல்லல்


இம்முறைகளைப் பயன்படுத்துவதால் கிடைக்கும் மறுமைப் பயன்கள்
1.சுவனத்தில் நுழைதல், அதில் உள்ள இன்பங்களை அடைதல்
2..அல்லாஹ்வின் நெருக்கத்தைப் பெறுதல்
3. அவனது ஸலாமையும், கலாமையும் கேட்கும் பேறு பெறுதல்
3. அவனது அருளை பொருத்தத்தை அடைதல்
4. அவனது திருக்காட்சியைப் பெறுதல்

அனைவருக்கும் ஈதுப் பெருநாள் வாழ்த்துக்கள்,
அன்புடன்,,,
அஹ்மது ஆரிஃப்